മലപ്പുറത്ത് നിപ രോഗിയെ ചികിത്സിച്ച നഴ്സും ഭര്‍ത്താവും രണ്ടു മക്കളും വെള്ളറട സര്‍ക്കാര്‍ ആശുപത്രിയില്‍ ചികിത്സ തേടി.
അമ്പൂരി സ്വദേശിയായ നഴ്‌സാണ് മലപ്പുറത്ത് നിപ രോഗിയെ ചികിത്സിച്ചത്. നഴ്സ് നാട്ടിലെത്തിയശേഷമാണ് ചികിത്സിച്ച രോഗിക്ക് നിപ്പ സ്ഥിരീകരിച്ചത്.
സമ്പര്‍ക്ക പട്ടികയില്‍ ഉള്‍പ്പെട്ടതുകൊണ്ട് നഴ്സും ഭര്‍ത്താവും രണ്ട് മക്കളും സര്‍ക്കാര്‍ ആശുപത്രിയില്‍ ചികിത്സയ്ക്ക് എത്തി. സര്‍ക്കാര്‍ ആശുപത്രിയില്‍ ഐസൊലേഷന്‍ വാര്‍ഡും അതിനുള്ള അനുബന്ധ ക്രമീകരണങ്ങളോ ഒന്നും ഇല്ലാത്തതുകൊണ്ട് ബ്ലോക്ക് അരോഗ്യസ്റ്റാന്‍ന്റിങ് കമ്മറ്റി ചെയര്‍മാന്‍ ഷൈന്‍കുമാറും മെഡിക്കല്‍ ഓഫിസറുമായി ചര്‍ച്ച നടത്തുകയും മെഡിക്കല്‍ ഓഫിസറിന്റെ നിര്‍ദേശാനുസരണം നഴ്‌സിനെയും ഭര്‍ത്താവിനെയും രണ്ട് മക്കളെയും തിരുവനന്തപുരം മെഡിക്കല്‍ കോളജിലേക്ക് മാറ്റി.