പിതാവ് ഓടിച്ച പിക്ക്അപ് വാൻ ഇടിച്ച് പരുക്കേറ്റ ഒന്നരവയസുകാരി മരിച്ചു

പിതാവ് ഓടിച്ച പിക്ക്അപ് വാൻ പിന്നോട്ട് എടുക്കുന്നതിനിടെ ഇടിച്ച് പരിക്കേറ്റ ഒന്നരവയസുകാരി മരിച്ചു. കോട്ടയം അയർക്കുന്നത്ത് ഇന്നലെ വൈകുന്നേരം വീട്ടുമുറ്റത്തു വെച്ചായിരുന്നു അപകടം സംഭവിച്ചത്. കോയിത്തുരുത്തിൽ ബിബിൻ ദാസിന്‍റെ മകൾ ദേവപ്രിയ ആണ് മരിച്ചത്. തെള്ളകത്തെ സ്വകാര്യ ആശുപത്രിയിൽ ഗുരുതരാവസ്ഥയിൽ ചികിത്സയിലിരിക്കെ ഇന്ന് ഉച്ചയോടെയായിരുന്നു മരണം. വാഹനം പിന്നോട്ട് എടുത്തപ്പോൾ കുട്ടി വാഹനത്തിനടുത്തേക്ക് ഓടിയെത്തിയാണ് അപകട കാരണം. സംസ്കാരം നാളെ നടക്കും.