പതിനേഴുകാരന്‍ പതിനാറുകാരിയെ താലിക്കെട്ടിയ വീഡിയോ വൈറലായതിന് പിന്നാലെ പൊലീസ് കേസ്. തമിഴ്‌നാട്ടിലെ കടലൂര്‍ ജില്ലയിലാണ് സംഭവം നടന്നത്. പെണ്‍കുട്ടിയെ ഒരു ബസ് സ്റ്റാന്‍ഡില്‍ വെച്ച് ആണ്‍കുട്ടി താലി കെട്ടുന്നതിന്റെ വീഡിയോയാണ് സമൂഹമാധ്യമങ്ങളില്‍ വ്യാപകമായി പ്രചരിച്ചത്.
പോക്‌സോ വകുപ്പ് ചുമത്തി കേസെടുത്ത ശേഷം കസ്റ്റഡിയിലെടുത്ത ആണ്‍കുട്ടിയെ പ്രായപൂര്‍ത്തിയാകാത്ത കുറ്റവാളികളെ പാര്‍പ്പിക്കുന്ന കേന്ദ്രത്തിലേക്ക് മാറ്റി. പെണ്‍കുട്ടിയെ ലൈംഗികമായി ഉപയോഗിച്ചിരുന്നുവെന്നാണ് പൊലീസിന് വിവരം ലഭിച്ചത്. ഇതിനായി വൈദ്യപരിശോധനയ്ക്ക് പെണ്‍കുട്ടിയെ വിധേയയാക്കി.
ബസ് സ്റ്റാന്‍ഡില്‍ വച്ച് ആണ്‍കുട്ടി താലികെട്ടുന്ന വീഡിയോ ദൃശ്യങ്ങള്‍ സമൂഹ മാധ്യമങ്ങളില്‍ പങ്കുവച്ച കേസില്‍ എസ്.സി / എസ്.ടി ആക്ട് പ്രകാരം ഒരളെ പൊലീസ് അറസ്റ്റ് ചെയ്തു.
English Summary: A police case followed the viral video of young boy marriage
You may also like this video
