കോഴിക്കോട് നന്മണ്ടയില് മരക്കൊമ്പ് ഒടിഞ്ഞുവീണ് അധ്യാപകന് മരിച്ചു. ഉള്ളിയേരി എയുപി സ്ക്കൂള് അധ്യാപകന് മുഹമ്മദ് ഷരീഫ് ആണ് മരിച്ചത്.
ഇന്ന് രാവിലെ ബൈക്കില് സ്ക്കൂളിലേക്ക് പോകും വഴി ഗുല്മോഹര് മരത്തിന്റെ കൊമ്പ് ഒടിഞ്ഞ് ശരീരത്തില് വീഴുകയായിരുന്നു. നന്മണ്ട ഈസ്റ്റ് യുപി സ്ക്കൂളിന് സമീപത്ത് വെച്ചാണ് അപകടം ഉണ്ടായത്.
മരക്കൊമ്പ് വീണ് നിയന്ത്രണം വിട്ട ബൈക്ക് അൽപദൂരം മുന്നോട്ട് ഓടി റോഡിൽ മറിയുകയായിരുന്നു. ഹെൽമെറ്റ് പൂർണമായി തകർന്നു. ഉടൻ തന്നെ ബാലുശ്ശേരിയിലെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. റിട്ട. അധ്യാപകൻ പരേതനായ അബൂബക്കറിന്റെ മകനാണ്.
English Summary:
A teacher died after a tree branch broke in Nanmanda