മഹാരാഷ്ട്രയിലെ ഭീവണ്ടിയിലെ കതായ് ഗ്രാമത്തിൽ മൂന്ന് വയസുകാരിയെ തൊഴിലാളി ബലാത്സംഗം ചെയ്ത് കൊലപ്പെടുത്തി. ഞായറാഴ്ച രാത്രിയാണ് സംഭവം. ബിഹാർ സ്വദേശിയായ ഭീംകുമാർ മണ്ഡ(26) ലാണ് പ്രതി. വീടിന് പുറത്ത് കളിച്ചു കൊണ്ടിരിക്കുകയായിരുന്ന പെൺകുട്ടിയെ മിഠായി നല്‍കാമെന്ന് പറഞ്ഞ് കൂട്ടിക്കൊണ്ടുപോയാണ് ഇയാള്‍ ബലാത്സംഗത്തിനിരയാക്കിയത്.
സംഭവത്തിനുശേഷം ഇയാള്‍ കുട്ടിയെ കഴുത്ത് ഞെരിച്ച് കൊലപ്പെടുത്തുകയും ചെയ്തു. വൈകുന്നേരമായിട്ടും പെൺകുട്ടി വീട്ടിൽ തിരിച്ചെത്താത്തതിനെ തുടർന്ന് മാതാപിതാക്കൾ പ്രദേശത്ത് തിരച്ചിൽ നടത്തിയെങ്കിലും ഫലമുണ്ടായില്ല. ഇതേത്തുടർന്ന് ഇവർ പൊലീസിനെ സമീപിക്കുകയും കാണാനില്ലെന്ന പരാതി നൽകുകയും ചെയ്തു. പിന്നീട് കുട്ടിയെ മരിച്ചനിലയില്‍ കണ്ടെത്തുകയായിരുന്നു. അതേ പ്രദേശത്ത് പവർ ലൂമിൽ തൊഴിലാളിയായി ജോലി ചെയ്യുകയായിരുന്നു ഇയാളെന്ന് പൊലീസ് പറഞ്ഞു.
English Summary: A three-year-old girl who was playing in front of the house was raped and killed; A 26-year-old man was arrested
You may also like this video
