യുവതിയെ വീട്ടില് തീ കൊളുത്തി മരിച്ച നിലയില് കണ്ടെത്തി. തമിഴ്നാട് വാൽപ്പാറയിലെ വീട്ടിലാണ് മണ്ണെണ്ണ ഒഴിച്ച് തീ കൊളുത്തി മരിച്ച നിലയിൽ കണ്ടെത്തിയത്. ഇടിആര് എസ്റ്റേറ്റിലെ മാനേജരും കോട്ടയം സ്വദേശിയുമായ ഗ്രീസിന്റെ ഭാര്യ ഇന്ദുമതിയെയാണ് മരിച്ചത്. 47 വയസായിരുന്നു. എസ്റ്റേറ്റിലെ വീട്ടിൽ ഇന്ന് രാവിലെ 7.45ഓടെയാണ് സംഭവമുണ്ടായത്.
ഗ്രീസ് ജോലിക്കായി എസ്റ്റേറ്റിലേക്ക് പോയതിന് പിന്നാലെയാണ് സംഭവം. വീട്ടിൽ നിന്ന് തീ ഉയരുന്നത് കണ്ട അയൽവാസികള് വന്ന് നോക്കിയപ്പോഴാണ് പൊള്ളലേറ്റ യുവതിയെ കണ്ടത്. അപ്പോഴേക്കും ഇന്ദുമതി മരിച്ചിരുന്നു. മൃതദേഹം വാൽപ്പാറ സർക്കാർ ആശുപത്രിയിലേക്ക് മാറ്റി. സംഭവത്തില് വാൽപ്പാറ പൊലീസ് അന്വേഷണം ആരംഭിച്ചു.