കോട്ടയത്ത് മണർകാട് മാലത്ത് യുവതി വെട്ടേറ്റ് മരിച്ച നിലയിൽ. രക്തം വാർന്ന് കിടക്കുന്ന യുവതിയെ ആദ്യം കണ്ടത് കളി കഴിഞ്ഞ് വീട്ടിലെത്തിയ കുട്ടികളാണ്. കോട്ടയം മണർകാട് മാലം കാഞ്ഞിരത്തുംമൂട്ടിൽ ജൂബി(26) ആണ് മരിച്ചത്. ഭർത്താവുമായി അകന്ന് യുവതിയുടെ മാലത്തെ വീട്ടിൽ കഴിയവെയാണ് സംഭവം. കൊലപാതകത്തിന് കാരണം വ്യക്തമല്ല.
അച്ഛനും സഹോദരനും ജോലിക്ക് പോയ സമയത്താണ് കൊലപാതകം. ജൂബിയുടെ മക്കൾ ആക്രമണ സമയത്ത് കളിക്കാനായി പുറത്ത് പോയിരുന്നു. ഇവർ തിരിച്ചെത്തിയപ്പോഴാണ് രക്തത്തിൽ കുളിച്ച് കമിഴ്ന്നു കിടക്കുന്ന നിലയിൽ അമ്മയെ കണ്ടത്. തുടർന്ന് അയൽപക്കത്തെ വീട്ടിൽ വിവരമറിയിച്ച് ഇവർ വാർഡ് മെമ്പർ വിളിച്ച് അറിയിക്കുകയും ചെയ്തു. സ്ഥലത്തെത്തിയ പൊലീസ് പിന്നീട് തുടർ നടപടികൾ സ്വീകരിച്ചു. മൃതദേഹം കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി. അതേ സമയം ജൂബിയുടെ ഭർത്താവാണ് അക്രമം നടത്തിയതെന്ന് പിതാവ് പൊലീസിനു മൊഴി നൽകി.
English Summary;A woman who was found stabbed in the backyard of Kottayam died
You may also like this video
