ബൈക്കും കാറും കൂട്ടിയിച്ച് കുമ്പളയിലെ യുവ വ്യാപാരി മരിച്ചു. മൊഗ്രാൽ ഖുതുബി നഗറിലെ അഹ്‌മദ്‌ കബീർ (33) ആണ് മരിച്ചത്. ചെർക്കള കെ കെ പുറത്ത് വ്യാഴാഴ്ച ഉച്ചയോടെയാണ് അപകടം. ബന്ധുവിന്റെ വിവാഹം ക്ഷണിക്കാൻ പോയി തിരിച്ച് മടങ്ങി വരുന്നതിനിടെയായിരുന്നു സംഭവം. ഗുരുതരമായി പരുക്കേറ്റ യുവാവിനെ കാസർകോട്ടെ ആശുപത്രിയിൽ പ്രഥമ ശുശ്രൂഷയ്ക്ക് ശേഷം മംഗ്ളൂറിലെ ആശുപത്രിയിൽ എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. മൃതദേഹം കാസർകോട് ജനറൽ ആശുപത്രിയിലേക്ക് എത്തിച്ച് പോസ്റ്റ് മോർടം നടത്തിയ ശേഷം ബന്ധുക്കൾക്ക് വിട്ട് കൊടുക്കും. കുമ്പള മീപ്പിരി സെന്ററില്‍ ഡ്രസ് സ്ഥാപന ഉടമയായിരുന്നു. പരേതനായ മമ്മു-മറിയമ്മ ദമ്പതികളുടെ മകനാണ്. ഭാര്യ:ഫാത്തിമ. മക്കള്‍: ഇസാബ്, ഹാസിം. സഹോദരങ്ങള്‍: അബ്ദുള്ള, അബ്ബാസ്, ബഷീര്‍, സുബൈദ, ഹാജിറ, മിസിരിയ.
ബൈക്കും കാറും കൂട്ടിയിച്ച് യുവാവ് മരിച്ചു
