നിയന്ത്രണം വിട്ട ബൈക്കില്‍ നിന്ന് വീണ യുവാവ് ടിപ്പർ ഇടിച്ച് മരിച്ചു. വെങ്ങാനൂർ വെണ്ണിയൂർ പ്രതീഷ് ഭവനിൽ പ്രതീഷ് (27)ആണ് മരിച്ചത്. പകൽ 11.50 ഓടെയാണ് സംഭവം. സ്വകാര്യ സ്ഥാപനത്തിലെ ഡെലിവറിബോയ് ആയി ജോലി ചെയ്തിരുന്ന പ്രതീഷ് സ്ഥാപനത്തിലേക്കുള്ള സാധനങ്ങളുമായി മടങ്ങവേയാണ് അപകടമുണ്ടായത്.
മറ്റൊരു വാഹനത്തെ ഓവർടേക്ക് ചെയ്യുന്നതിനിടെ ബൈക്ക് നിയന്ത്രണം വിട്ട് റോഡിലേക്ക് മറിഞ്ഞു വീഴുകയും പ്രതീഷിന്റെ ശരീരത്തിലൂടെ അതേ ദിശയിൽ സഞ്ചരിച്ചിരുന്ന ടിപ്പർ കയറിയിറങ്ങുകയുമായിരുന്നു. പ്രതീഷ് സംഭവസ്ഥലത്ത് വച്ച് തന്നെ മരിച്ചു. അപകട മരണത്തിന് ഫോർട്ട് പൊലീസ് കേസെടുത്തു. അച്ഛൻ : പ്രസന്നകുമാർ, അമ്മ : അനിത. സഹോദരി :പ്രസീത
english summary:A young man fell off his bike and died after being hit by a tipper
you may also like this video:
