വിറക് ശേഖരിക്കാന് പോയ യുവാവിനെ കാട്ടാന ചവിട്ടിക്കൊന്നു. ആറളം ഫാമില് പത്താം ബ്ലോക്കിലെ രഘു(44)വാണ് കൊല്ലപ്പെട്ടത്.ഉച്ചയ്ക്ക് രണ്ടുമണിയോടെയാണ് സംഭവം. ഒരു സംഘമായാണ് ഇവര് വിറക് ശേഖരിക്കാനായി പോയത്. ആനയെ കണ്ടതോടെ മറ്റുള്ളവര് ഓടി രക്ഷപ്പെടുകയായിരുന്നു. ആക്രമണത്തില് സാരമായി പരിക്കേറ്റ രഘുവിനെ പേരാവൂരിലെ താലൂക്ക് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. മൃതദേഹം താലൂക്ക് ആശുപത്രിയിലെ മോര്ച്ചറിയിലേക്ക് മാറ്റി. ആറളം ഫാമിലെ വിവിധ ബ്ലോക്കുകളിലായി 12 പേരാണ് കാട്ടാനയുടെ ആക്രമണത്തില് കൊല്ലപ്പെട്ടത്. സംഭവത്തിന് പിന്നാലെ പ്രതിഷേധവുമായി നാട്ടുകാര് രംഗത്തെത്തി.
English Summary;A young man who went to collect firewood was trampled to death by a wild cat