ആധാര് സംവിധാനത്തിലെ സാങ്കേതിക തകരാറുകള് ഹാക്കര്മാരും തട്ടിപ്പുകാരും മുതലെടുക്കുന്നതായി ഡല്ഹി പൊലീസ്. ബാങ്ക് തട്ടിപ്പ് ഉൾപ്പെടെയുള്ള കേസുകളില് നടത്തിയ അന്വേഷണത്തിലാണ് കണ്ടെത്തല്. വിഷയത്തില് ഡൽഹി പൊലീസ് യുഐഡിഎഐക്ക് കത്തയച്ചിട്ടുണ്ട്.
ആധാർ കാർഡിലെ ഫോട്ടോഗ്രാഫുകൾ ഒരേ വ്യക്തിയുടേതാണെങ്കിലും വ്യത്യസ്ത വ്യക്തികളുടെ പേരിൽ 12 ബാങ്ക് അക്കൗണ്ടുകൾ വരെ തുറന്നിട്ടുണ്ടെന്ന് കത്തില് പറയുന്നു. സർക്കാർ സ്ഥാപനത്തിൽ നിന്ന് മാത്രം ലോഗിൻ ചെയ്യാൻ കഴിയുന്ന അംഗീകൃത ആധാർ ഏജന്റുമാരുടെ വിവരങ്ങളും തെറ്റായി ഉപയോഗിക്കപ്പെടുന്നുണ്ട്.
സിലിക്കൺ വിരലടയാളവും തത്സമയ വിരലടയാളവും തമ്മിൽ വേർതിരിച്ചറിയാൻ ആധാർ സംവിധാനത്തിന് കഴിയുന്നില്ലെന്നും പൊലീസ് കണ്ടെത്തി.
ഒരു വ്യക്തിയുടെ 10 വിരലുകളെ 10 വ്യത്യസ്ത ഐഡന്റിറ്റികളായി കണക്കാക്കാതെ ഒരൊറ്റ ഐഡന്റിറ്റിയായാണ് കണക്കാക്കുന്നത്. എന്നാല് തെറ്റായി വിരലടയാളം നല്കിയവര്ക്ക് പോലും ആധാര് കാര്ഡ് നല്കിയതായും അന്വേഷണത്തില് കണ്ടെത്തി.
English Summary;Aadhaar: Hackers take advantage of technical glitches
You may also like this video
