സമുഹമാധ്യമത്തിലൂടെ മുൻ മുഖ്യമന്ത്രി വി എസ് അച്യുതാനന്ദനെ അധിക്ഷേപിച്ച സംഭവത്തിൽ ആലപ്പുഴ സൗത്ത് പൊലീസ് കേസെടുത്തു. ആലപ്പുഴ നഗരസഭ കൗൺസിലർ ബി അജേഷിന്റെ പരാതിയിൽ ‘വിജേഷ് കുമാർ നമ്പൂതിരിപ്പാട്’ എന്ന പേരിൽ സമുഹമാധ്യമഅക്കൗണ്ട് ഉപയോഗിക്കുന്ന ആൾക്കെതിരെയാണ് കേസെടുത്തത്. വിഎസ് അച്യുതാനന്ദന്റെ നിര്യാണത്തിൽ അനുശോചിച്ച് ആലപ്പുഴ ഗുരുമന്ദിരം വാർഡ് കൗൺസിലർ രമ്യാസുർജിത്ത് ഫേസ് ബുക്കിൽ പോസ്റ്റിട്ടിരുന്നു. ഇതിന് താഴെയാണ് വി എസിനെ അധിക്ഷേപിച്ച് കമന്റിട്ടത്. പ്രതിയെക്കുറിച്ച് കുടുതൽ വിവരങ്ങൾ ലഭിച്ചിട്ടില്ല. അക്കൗണ്ട് കൃത്യമാണോയെന്നും വ്യാജമാണോയെന്നും പൊലീസ് പരിശോധിക്കുന്നുണ്ട്. വിജേഷ് കുമാർ നമ്പൂരിപ്പാട് എന്ന പേരും പ്രൊഫൈൽ ചിത്രവും ഉപയോഗിച്ചിട്ടുണ്ട്.
സമുഹമാധ്യമത്തിലൂടെ വി എസ് അച്യുതാനന്ദനെ അധിക്ഷേപിച്ചു; കേസെടുത്ത് പൊലീസ്
