അണക്കരയ്ക്കു സമീപം കാര്‍ ഓട്ടോറിക്ഷകളുമായി കൂട്ടിയിടിച്ച് അപകടം. കുമളി മൂന്നാര്‍ സംസ്ഥാനപാതയില്‍ അമിതവേഗത്തില്‍ എത്തിയ കാര്‍ രണ്ട് ഓട്ടോറിക്ഷകളില്‍ ഇടിച്ചാണ് അപകടം നടന്നത്. ബുധനാഴ്ച രാത്രി കുമളി ഭാഗത്തേക്ക് പോവുകയായിരുന്ന കാര്‍ രണ്ട് ഓട്ടോറിക്ഷകളില്‍ ഇടിച്ച് കയറുകയായിരുന്നു. വാഹനങ്ങളില്‍ ഉണ്ടായിരുന്നവര്‍ കാര്യമായ പരിക്കുകള്‍ ഇല്ലാതെ രക്ഷപ്പെട്ടു.
രണ്ട് ഓട്ടോറിക്ഷകളുടെയും ഒരുവശം പൂര്‍ണമായും തകര്‍ന്ന നിലയിലാണ്. കാറിനും കാര്യമായ തകരാറുകള്‍ സംഭവിച്ചിട്ടുണ്ട്. വാഹനങ്ങളുടെ അമിതവേഗതയും അശ്രദ്ധയും മൂലം അണക്കരക്കും ഏഴാംമയില്‍ പാലത്തിനും ഇടയില്‍ നിരവധി അപകടങ്ങളാണ് സംഭവിക്കുന്നത്. സ്വകാര്യ ബസ് അടക്കം നിരവധി വാഹനങ്ങള്‍ ഈ മേഖലയില്‍ അപകടത്തില്‍ പെടുകയും യാത്രക്കാര്‍ക്ക് പരിക്കേല്‍ക്കുകയും ചെയ്തിട്ടുണ്ട്.
കുമളി പൊലീസ് മേല്‍ നടപടികള്‍ സ്വീകരിച്ചു.
English Summary: accident news
You may also like this video
