കോട്ടയം മറിയപ്പള്ളിയിലുണ്ടായ വാഹനാപകടത്തില്‍ കാൽനടയാത്രക്കാരൻ മരിച്ചു. എംസി റോഡിലാണ് അപകടമുണ്ടായത്. പാക്കിൽ സ്വദേശിയായ പുസ്തക കച്ചവടക്കാരനാണ് അപകടത്തിൽ മരിച്ചത്. ചൊവ്വാഴ്ച പുലർച്ചെയാണ് അപകടം എന്നാണ് വിവരം. റോഡരികിലൂടെ നടന്നുപോയ ഇദ്ദേഹത്തെ വാഹനം ഇടിച്ചു വീഴ്ത്തുകയായിരുന്നുവെന്നാണ് നിഗമനമെന്നും പൊലീസ് പറഞ്ഞു. അപകടത്തിനുശേഷം ഇടിച്ചു വീഴ്ത്തിയ വാഹനം നിർത്താതെപോയി. രാവിലെ ഏഴ് മണിയോടെ റോഡിൽ വീണുകിടന്ന ഇദ്ദേഹത്തെ അഗ്നിരക്ഷാസേന സംഘമെത്തിയാണ് ആശുപത്രിയിലെത്തിച്ചത്. ഇടിച്ച വാഹനം കണ്ടെത്തുന്നതിനായി പൊലീസ് പരിശോധന ആരംഭിച്ചിട്ടുണ്ട്.
English Summary: Accident in MC Road
You may like this video also
