ബോളിവുഡ് നടന് സെയ്ഫ് അലിഖാനെ ആക്രമിച്ച പ്രതി പിടിയില്. വിജയ് ദാസെന്നയാളെ മഹാരാഷ്ട്രയിലെ താനെയില് നിന്നാണ് പിടികൂടിയത്. ഒരു ലേബര് ക്യാമ്പില് ഇയാള് ഒളിച്ച് താമസിക്കുകയായിരുന്നു. പ്രതിയെ ഇന്ന് തന്നെ കോടതിയില് ഹാജരാക്കി പൊലീസ് കസ്റ്റഡിയില് വാങ്ങും. അറസ്റ്റുമായി ബന്ധപ്പെട്ട കാര്യങ്ങള് വിശദീകരിക്കാന് പൊലീസ് ഇന്ന് രാവിലെ 9 മണിക്ക് മാധ്യമങ്ങളെ കാണും. ഇയാൾ കുറ്റം സമ്മതിച്ചതായും മുംബൈ പൊലീസ് വ്യക്തമാക്കി.
അതേസമയം മുംബൈ ലീലാവതി ആശുപത്രിയില് ചികിത്സയില് കഴിയുന്ന സെയ്ഫ് അലിഖാന്റെ ആരോഗ്യനില മെച്ചപ്പെട്ടു. കരീന കപൂറിന്റെയും സൈഫ് അലിഖാന്റെയും മൊഴി പൊലീസ് രേഖപ്പെടുത്തി.അണുബാധ സാധ്യത ഒഴിവാക്കാന് സന്ദര്ശകര്ക്ക് വിലക്ക് ഏര്പ്പെടുത്തിയിട്ടുണ്ട്. ദിവസങ്ങള്ക്കുള്ളില് ആശുപത്രി വിടാന് ആകും എന്നാണ് പ്രതീക്ഷ.