ബീച്ചിൽ നിർത്തിയിട്ടിരുന്ന സ്കൂട്ടറിൽ നിന്നും ക്യാമറ ലെൻസുകൾ മോഷ്ടിച്ച പ്രതി പിടിയിൽ

ബീച്ചിൽ നിർത്തിയിട്ടിരുന്ന സ്കൂട്ടറിൽ നിന്നം ക്യാമറ ലെൻസുകൾ മോഷ്ടിച്ച പ്രതി പൊലീസ് പിടിയിൽ. വെള്ളയിൽ ലയൺസ് പാർക്കിന് സമീപം നിർത്തിയിട്ട സ്കൂട്ടറിന്റെ ഡിക്കിയിൽ നിന്നും 80, 000 ത്തോളം രൂപ വിലവരുന്ന ക്യാമറ ലെൻസുകൾ മോഷ്ടിച്ച വെള്ളയിൽ നാലുകുടിപ്പറമ്പ് റാഷിദ് മൻസിലിൽ ഉസ്മാൻ കോയ (25) നെയാണ് വെള്ളയിൽ ഇൻസ്പെക്ടറുടെ നേതൃത്വത്തിൽ വീട്ടിൽ വെച്ച് അറസ്റ്റ് ചെയ്തത്. കഴിഞ്ഞ ഓഗസ്റ്റ് മാസമായിരുന്നു മോഷണം നടന്നത്. കൂട്ടുപ്രതികൾ നേരത്തെ പൊലീസ് പിടിയിലായിരുന്നു. പ്രതിക്കെതിരെ വെള്ളയിൽ സ്റ്റേഷനിൽ മയക്കുമരുന്ന് കേസുമുണ്ട്.