മിർസാപൂർ വെബ്സീരീസിലൂടെ ശ്രദ്ധനേടിയ നടൻ ജിതേന്ദ്ര ശാസ്ത്രി അന്തരിച്ചു. നടൻ സഞ്ജയ് മിശ്രയാണ് സമൂഹമാധ്യമത്തിലൂടെ ഇക്കാര്യം അറിയിച്ചത്.
ജിതു ഭായ്, നിങ്ങൾ ഇവിടെ ഉണ്ടായിരുന്നെങ്കിൽ… നിങ്ങൾ ലോകത്തിന് പുറത്താണ്, പക്ഷേ എപ്പോഴും എന്റെ മനസിലും ഹൃദയത്തിലും ഉണ്ടാകും ഓം ശാന്തി- സഞ്ജയ് മിശ്ര ഒരു പഴയ വിഡിയോക്കൊപ്പം കുറിച്ചു.മിർസാപൂർ വെബ്സീരീസിലൂടെ ജിതേന്ദ്ര ശാസ്ത്രി പ്രേക്ഷകരുടെ ഇടയിൽ ശ്രദ്ധിക്കപ്പെടുന്നത്. സീരീസിൽ ഉസ്മാൻ എന്ന കഥപാത്രത്തെയാണ് നടൻ അവതരിപ്പിച്ചത്.
നാഷണൽ സ്കൂൾ ഓഫ് ഡ്രാമയിൽ പഠനം പൂർത്തിയാക്കിയ നടൻ നാടകത്തിൽ സജീവമായിരുന്നു. 2019 ൽ അർജുൻ കപൂറിന്റെ ‘ഇന്ത്യാസ് മോസ്റ്റ് വാണ്ടഡ്’ എന്ന സിനിമയിൽ ഒരു പ്രധാന വേഷം ചെയ്തു. ’ബ്ലാക്ക് ഫ്രൈഡേ’, ‘രാജ്‌മ ചവല്‍’, ‘അശോക’, ‘ലജ്ജ’, ‘ദൗര്‍’, ‘ചാരാസ്‌’ എന്നിവയാണ് മറ്റ് ചിത്രങ്ങൾ.
English Summary: Actor Jitendra Shastri passed away
You may also like this video
