ബലാത്സംഗ കേസിൽ ഹാജരാകാൻ സന്നദ്ധത അറിയിച്ച് നടൻ സിദ്ദിഖ്

യുവനടിയെ ബലാത്സംഗം ചെയ്‌ത കേസിൽ അന്വേഷണ സംഘത്തിന് മുന്നിൽ ഹാജരാകാൻ സന്നദ്ധത അറിയിച്ച് നടൻ സിദ്ദിഖ് . ഈ കാര്യം അറിയിച്ച് സിദ്ദിഖ് അന്വേഷണ സംഘത്തിന് കത്ത് നൽകിയതോടെ നടപടികൾ ഊർജിതമാക്കിയതായി പൊലീസ് വൃത്തങ്ങൾ അറിയിച്ചു. അടുത്ത ആഴ്ച്ച സിദ്ദിഖിനെ ചോദ്യം ചെയ്‌തേക്കും. ഇതിന് മുൻപായി അന്വേഷണ സംഘം സിദ്ദിഖിനെ നോട്ടീസ് നൽകി വിളിപ്പിച്ച് മൊഴി രേഖപ്പെടുത്തും. തിരുവനന്തപുരം മാസ്കറ്റ് ഹോട്ടലിൽ 2016 ജനുവരി 28ന് സിദ്ദിഖ് പീഡിപ്പിച്ചെന്നായിരുന്നു നടിയുടെ പരാതി .