യു.എസ് കേന്ദ്രമായി പ്രവര്‍ത്തിക്കുന്ന ഷോര്‍ട്ട് സെല്ലര്‍ ഹിന്‍ഡന്‍ബര്‍ഗിന്റെ പുതിയ റിപ്പോര്‍ട്ടിനെതിരെ അദാനി ഗ്രൂപ്പ്.തനിക്കെതിരെയുള്ള ആരോപണംഅടിസ്ഥാന രഹിതമാണെന്ന് അദാനി പ്രതികരിച്ചു.നേരത്തെ തന്നെ ഈ ആരോപണം സുപ്രീം കോടതി തള്ളിയതാണെന്നും അദാനി പറഞ്ഞു.വ്യക്തിപരമായ ലാഭത്തിന് വേണ്ടിയാണ് ഇത്തരം അടിസ്ഥാനരഹിതമായ ആരോപണങ്ങള്‍ ഉന്നയിക്കുന്നതെന്നും അദാനി ഗ്രൂപ്പ് ആരോപിച്ചു.
തങ്ങളുടെ വിദേശ സ്ഥാപനങ്ങളുടെ ഘടന പൂർണമായും സുതാര്യമാണ്. എല്ലാ വിശദാംശങ്ങളും പൊതുരേഖകളിൽ പലപ്പോഴായി രേഖപ്പെടുത്തിയിട്ടുള്ളതാണ്.സെബി മേധാവി മാധുബി പുരി ബുച്ചുമായോ അവരുടെ ഭർത്താവ് ധവൽ ബുചുമായോ അദാനി ഗ്രൂപ്പിന് വാണിജ്യ ബന്ധമില്ല.തങ്ങളെ അപകീർത്തിപ്പെടുത്താനുള്ള ബോധപൂർവമായ ശ്രമമാണ് അമേരിക്കൻ കമ്പനി നടത്തുന്നതെന്നും പ്രസ്താവനയിൽ വ്യക്തമാക്കുന്നു.
English Summary;Adani Group slams Hindenburg report