വെഞ്ഞാറമൂട് കൂട്ടക്കൊലക്കേസ് പ്രതി അഫാന്റെ നില അതീവ ഗുരുതരം. ജയിലിൽ ജീവനൊടുക്കാന് ശ്രമിച്ചതിനെ തുടര്ന്ന് തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിക്കുകയായിരുന്നു. നിലവില് മെഡിക്കല് കോളേജ് എംഐസിയുവില് വെന്റിലേറ്ററിന്റെ സഹായത്തോടെയാണ് അഫാൻ ജീവൻ നിലനിർത്തുന്നത്.
തിരുവനന്തപുരം പൂജപ്പുര സെന്ട്രല് ജയിലില് യുടി ബ്ലോക്കിലായിരുന്നു അഫാന് കഴിഞ്ഞിരുന്നത്. രാവിലെ 11 മണിയോടെ ശുചിമുറിയില് പോകണമെന്ന് അഫാന് ജയില് അധികൃതരോട് ആവശ്യപ്പെട്ടതിനെ തുടര്ന്ന് ജയില് വാര്ഡന് അഫാനെ ശുചിമുറിയില് എത്തിക്കുകയായിരുന്നു. ഇതിനിടെയാണ് അഫാന് ഉണക്കാനിട്ടിരുന്ന മുണ്ട് ഉപയോഗിച്ച് ജീവനൊടുക്കാന് ശ്രമിച്ചത്. വാതിൽ തുറക്കാൻ വൈകിയതിനെ തുടർന്ന് വാര്ഡന് ശുചിമുറിയുടെ വാതിൽ ചവിട്ടി പൊളിച്ചതോടെയാണ് അഫാനെ തൂങ്ങി മരിക്കാൻ ശ്രമിച്ച നിലയിൽ കണ്ടെത്തിയത്. വാർഡൻ ഉടന് തന്നെ ജയില് അധികൃതരെ വിവരം അറിയിക്കുകയായും ആശുപത്രിയില് പ്രവേശിപ്പിക്കുകയുമായിരുന്നു.