ട്രാഫിക്ക് നിയമലംഘനങ്ങള്‍ നടത്തുന്നവരെ പിടികൂടാന്‍ സംസ്ഥാനത്ത് എഐ ക്യാമറകള്‍ പ്രവര്‍ത്തനം തുടങ്ങി. എന്നാല്‍ ഒരു മാസക്കാലത്തേക്ക് എഐ ക്യാമറ വഴി പിടികൂടുന്ന നിയമ ലംഘനങ്ങള്‍ക്ക് പിഴ ഈടാക്കില്ലെന്ന് ഗതാഗത മന്ത്രി ആന്റണി രാജു അറിയിച്ചു. മെയ് 19വരെ പിഴ ഈടാക്കില്ല.
ജനങ്ങള്‍ക്ക് നിയമലംഘനങ്ങള്‍ക്കെതിരെയുള്ള ബോധവല്‍ക്കരണം നടത്തുകയും മെയ് 20 മുതല്‍ നിയമം ലംഘിക്കുന്നവര്‍ക്ക് പിഴ ഇടാക്കുമെന്നും മന്ത്രി അറിയിച്ചു.
നിയമം ലംഘിക്കുന്നവര്‍ക്ക് ആശങ്കയും നിയമം പാലിക്കുന്നവര്‍ക്ക് ആശ്വാസവുമാണ് എഐ ക്യാമറകള്‍ എന്ന് മന്ത്രി ആന്റണി രാജു പറഞ്ഞു. എഐ ക്യാമറകള്‍ സ്ഥാപിക്കാന്‍ നിലവിലെ ചട്ടങ്ങളില്‍ മാറ്റം ഒന്നും വരുത്തിയിട്ടില്ലെന്നും മന്ത്രി അറിയിച്ചു.
English Summary; AI cameras started working; Transport Minister says fine will not be charged till May 19
You may also like this video
