ഇസ്രയേലില്‍ നിന്ന് എയര്‍ ഇന്ത്യ ജീവനക്കാരെ ഒഴിപ്പിച്ചു. ഹമാസുമായുള്ള യുദ്ധം തുടരുന്ന സാഹചര്യത്തിലാണ് ഇത്. പത്ത് ജീവനക്കാരെ എതോപ്യന്‍ നഗരമായ അഡിസ് അബാബയിലെത്തിച്ചു. ഇവിടെനിന്ന് ഇവരെ ഇന്ത്യയിലെത്തിക്കും.
കഴിഞ്ഞദിവസം റദ്ദാക്കിയ എയര്‍ ഇന്ത്യ വിമാനത്തിലെ ജീവനക്കാരെയാണ് എതോപ്യയിലേക്ക് മാറ്റിയത്. ശനിയാഴ്ച ഡല്‍ഹിയില്‍ നിന്ന് ടെല്‍ അവീവിലേക്കും തിരിച്ചും പറക്കേണ്ടിയിരുന്നു വിമാനങ്ങള്‍ സുരക്ഷാ പ്രശ്‌നങ്ങള്‍ കാരണം എയര്‍ ഇന്ത്യ റദ്ദാക്കിയിരുന്നു.
ഇതോടെയാണ്, ജീവനക്കാര്‍ ടെല്‍ അവീവില്‍ കുടുങ്ങിയത്. തുടര്‍ന്ന് ഇവരെ, ഇസ്രയേല്‍ സൈന്യത്തിന്റെ സഹായത്തോടെ എതോപ്യയിലേക്ക് മാറ്റുകയായിരുന്നു. ഒക്ടോബര്‍ 14 വരെയുള്ള വിമാന സര്‍വീസുകള്‍ റദ്ദാക്കിയതായി എയര്‍ ഇന്ത്യ അറിയിച്ചു.
English Summary:Air India evacuates crew from Israel
You may also like this video
