ശാസ്താംകോട്ട ദേവസ്വം ബോര്‍ഡ് കോളജില്‍ എന്‍സിസി കേഡറ്റുകളെ ശരണം വിളിച്ച് പരിശീലിപ്പിച്ച നടപടി മതേതര ജനാതിപത്യ മൂല്യങ്ങള്‍ക്ക് വിരുദ്ധമാണെന്ന് എഐഎസ്എഫ് കുന്നത്തൂര്‍ മണ്ഡലം കമ്മിറ്റി. മത നിരപേക്ഷ കലാലയങ്ങള്‍ സ്വപ്നം കാണുകയും അത് പ്രാവര്‍ത്തികമാക്കാന്‍ പ്രയത്നിക്കുകയും ചെയ്യുന്ന കാലത്ത് ഒരു പ്രത്യേക മത വിഭാഗത്തിന്‍റെ ആചാരങ്ങള്‍ വിദ്യാര്‍ത്ഥികളിലേക്ക് കുത്തി നിറക്കുകയാണ്. കോളജ് മാനേജ്മെന്‍റ് അതിന് അനുവാദം നല്‍കിയെന്നും ഇത് അനുവദനീയമല്ലെന്നും ഇതിനെതിരെ ശക്തമായ പ്രതിഷേധ സമരങ്ങള്‍ സംഘടിപ്പിക്കുമെന്ന് എഐഎസ്എഫ് മണ്ഡലം സെക്രട്ടറി അനന്തു മാതിരംപള്ളില്‍ ഡി ബി കോളേജ് യൂണിറ്റ് സെക്രട്ടറി അജയ് കൃഷ്ണ എന്നിവര്‍ അറിയിച്ചു.
ENGLISH SUMMARY:AISF protests over NCC cadets On worshiping song
You may also like this video