കേരള സ്റ്റേറ്റ് ഹോർട്ടികൾച്ചർ മിഷൻ എംപ്ലോയീസ് ഫെഡറേഷൻ ‑എഐടിയുസി പ്രതിഭാസംഗമവും സംസ്ഥാന സമ്മേളന ലോഗോ പ്രകാശനവും നടത്തി. പ്രതിഭാ സംഗമവും സംസ്ഥാന സമ്മേളന ലോഗോ പ്രകാശനവും ഭക്ഷ്യ പൊതുവിതരണ വകുപ്പ് മന്ത്രി അഡ്വ. ജി ആർ അനിൽ നിർവ്വഹിച്ചു.
ജീവനക്കാരുടെ കുട്ടികളിൽ എസ്എസ്എൽസി പ്ലസ് ട്ടു പരീക്ഷകളിൽ ഉന്നത വിജയം നേടിയ വിദ്യാർത്ഥികളെ സിപിഐ തിരുവനന്തപുരം ജില്ലാ സെക്രട്ടറി മാങ്കോട് രാധാകൃഷ്ണൻ ഉപഹാരം നൽകി ആദരിച്ചു. പ്രസ്തുത ചടങ്ങിൽ സംഘടനാ സംസ്ഥാന പ്രസിഡന്റ് പി എസ് സുപാൽ എംഎൽഎ അധ്യക്ഷത വഹിച്ചു. വ്യക്തിത്വ വികസനം എന്ന വിഷയത്തിൽ സജി ജോൺ ക്ലാസ് നയിച്ചു. സംഘടനാ സംസ്ഥാന ജനറൽ സെക്രട്ടറി പി കാർത്തിക്ക് ചടങ്ങിൽ സ്വാഗതവും ട്രഷറർ എ എസ് ഷിബിന നന്ദിയും പറഞ്ഞു.