പൊതുമേഖലാ സ്ഥാപനമായ എയർ ഇന്ത്യ വിൽപ്പനയിൽ പ്രതിഷേധിച്ച് എഐടിയുസി ജില്ലാ കൗൺസിൽ ബഹുജന സദസ്സ് സംഘടിപ്പിച്ചു. ആലപ്പുഴ ചടയംമുറി സ്മാരകത്തിന് സമീപം നടന്ന സദസ്സ് സംസ്ഥാന സെക്രട്ടറി ആർ പ്രസാദ് ഉദ്ഘാടനം ചെയ്തു.
ദേശിയ കൗൺസിൽ അംഗം പി വി സത്യനേശൻ അധ്യക്ഷനായി. ജില്ലാ സെക്രട്ടറി വി മോഹൻദാസ് സ്വാഗതം പറഞ്ഞു. ബികെഎംയു ജില്ലാ സെക്രട്ടറി ആർ അനിൽകുമാർ, വർക്കിംഗ് വിമൺസ് ഫോറം ജില്ലാ പ്രസിഡന്റ് സംഗീത ഷംനാദ്, എ ഐ ടി യു സി നേതാക്കളായ ഡി പി മധു, എ എം ഷിറാസ്, പി യു അബ്ദുൾകലാം എന്നിവർ സംസാരിച്ചു.