എഐടിയുസിയുടെ 18-ാമത് സംസ്ഥാന സമ്മേളനത്തിന്റെ വിളംബരമായി പതാക ദിനം ഇന്ന് ആചരിക്കും. തൊഴിൽ സ്ഥാപനങ്ങൾക്ക് മുന്നിലും ട്രേഡ് യൂണിയൻ, പാർട്ടി ഓഫീസുകൾക്ക് മുന്നിലും തൊഴിലാളി കേന്ദ്രങ്ങളിലും പൊതു ഇടങ്ങളിലും യൂണിയനുകളുടെയും എഐടിയുസി കമ്മിറ്റികളുടെയും നേതൃത്വത്തിൽ ബോർഡ് വെച്ചും അലങ്കരിച്ചും പതാക ഉയർത്തും.
എറണാകുളം ടൗണിൽ എഐടിയുസി സംസ്ഥാന ജനറൽ സെക്രട്ടറി കെ പി രാജേന്ദ്രൻ പതാക ഉയർത്തും. സംസ്ഥാന, ജില്ലാ നേതാക്കളും യൂണിയൻ ഭാരവാഹികളും ഓരോ കേന്ദ്രങ്ങളിലും ദിനാചരണത്തിന് നേതൃത്വം നൽകും. ജനുവരി രണ്ടുമുതൽ അഞ്ചുവരെ എറണാകുളം കടവന്ത്ര രാജീവ് ഗാന്ധി ഇൻഡോർ സ്റ്റേഡിയത്തിലെ കാനം രാജേന്ദ്രൻ നഗറിലാണ് സമ്മേളനം.
English Summary; AITUC State Conference: Today is Flag Day
You may also like this video
