വർഗീയ ഫാസിസത്തിനും കേന്ദ്ര അവഗണനയ്ക്കുമെതിരെ എഐവൈഎഫ് ഇന്നും നാളെയും ജില്ലാ കേന്ദ്രങ്ങളിൽ ‘ഡെമോക്രാറ്റിക് സ്ട്രീറ്റ്’ സംഘടിപ്പിക്കും.
രാജ്യം പിന്തുടർന്ന് വരുന്ന ഭരണഘടനാ മൂല്യങ്ങളും നിയമവാഴ്ചയും അട്ടിമറിച്ചുകൊണ്ട് ജനാധിപത്യത്തെ സജീവമാക്കുന്ന വിയോജിപ്പുകളെയും ചിന്തകളെയും ഇല്ലായ്മ ചെയ്യുകയും രാജ്യത്തിന്റെ വൈവിധ്യത്തെ തകർക്കുന്ന നയങ്ങൾക്ക് നേതൃത്വം കൊടുക്കുകയും ചെയ്യുകയാണ് മോഡി സർക്കാർ. ഒരു വർഷം രണ്ട് കോടി യുവജനങ്ങൾക്ക് ജോലി എന്ന വാഗ്ദാനവുമായി 2014ൽ അധികാരത്തിലേറിയ നരേന്ദ്ര മോഡി സർക്കാരിന്റെ ഭരണ കാലയളവിൽ രാജ്യത്ത് തൊഴിലില്ലായ്മ ചരിത്രത്തിലെ ഏറ്റവും ഭീകരമായ സാഹചര്യത്തിൽ എത്തി നിൽക്കുന്നു.
കേന്ദ്ര സർക്കാരിന്റെ വർഗീയ രാഷ്ട്രീയത്തിനും കേരളത്തോടുള്ള നിഷേധാത്മക സമീപനത്തിനുമെതിരെയുള്ള താക്കീതായി ഡെമോക്രാറ്റിക് സ്ട്രീറ്റ് മാറുമെന്ന് എഐവൈഎഫ് സംസ്ഥാന പ്രസിഡന്റ് എൻ അരുണും സെക്രട്ടറി ടി ടി ജിസ്‌മോനും അറിയിച്ചു.
English Summary: AIYF Democratic Street against communal fascism and central neglect
You may also like this video
