ചീങ്കണ്ണിയെ വിവാഹം ചെയ്ത് മേയര്‍. മെക്സിക്കോയിലെ ഒക്സാക്കയിലാണ് സംഭവം. ചുംബനം കൂടി നല്‍കിയാണ് ചീങ്കണ്ണിയെ മേയര്‍ വിക്ടർ ഹ്യൂഗോ സോസ തന്റെ വധുവായി സ്വീകരിച്ചത്. പരമ്പരാഗത സംഗീതവും നൃത്തവും ഉള്‍പ്പെടെ വര്‍ണാഭമായ ചടങ്ങുകളോടെയാണ് വിവാഹം നടന്നത്. എന്നാലും കടിയേല്‍ക്കാതിരിക്കാന്‍ ചീങ്കണ്ണിയുടെ വായ് കെട്ടിയിട്ടിരുന്നു. വെളുത്ത വിവാഹവസ്ത്രമണിഞ്ഞാണ് വധു മണ്ഡപത്തിലെത്തിയത്. ഏഴ് വയസാണ് വധുവിന്റെ പ്രായം.
ആചാരപരമായ വിവാഹം നൂറ്റാണ്ടുകൾക്ക് മുമ്പുള്ള ഹിസ്പാനിക് കാലഘട്ടം മുതൽ ഒക്‌സാക്ക സംസ്ഥാനത്തിലെ ചോണ്ടൽ, ഹുവേ എന്നീ തദ്ദേശീയ സമൂഹങ്ങൾക്കിടയിൽ ആരംഭിച്ചതാണ് ഇത്തരം വിവാഹങ്ങള്‍. കത്തോലിക്കാ ആത്മീയതയുമായി ഇടകലർന്നിരിക്കുന്ന പുരാതനമായ ആചാരമാണിത്. മാതാവിനെ പ്രതിനിധീകരിക്കുന്ന ഒരു ദേവതയാണ് ചീങ്കണ്ണിയെന്നാണ് ഇവിടത്തുകാരുടെ വിശ്വാസം. പ്രകൃതിയും മനുഷ്യനും ഒന്നിക്കുമ്പോള്‍ ദൈവാനുഗ്രഹം ഉണ്ടാകുമെന്ന വിശ്വാസത്തിന്മേലാണ് ഇത്തരം ഉരഗ വിവാഹങ്ങള്‍ ഇവിടത്തുകാര്‍ നടത്തുന്നത്.
English Summary: Alligator as bride for mayor: Groom kisses bride’s nose, what happened next
You may like this video also
