വെഞ്ഞാറമൂട്ടിൽ ആംബുലൻസ് ബൈക്കിലിടിച്ചുണ്ടായ അപകടത്തിൽ പരിക്കേറ്റ് ചികിത്സയിലിരുന്ന നാലുവയസുകാരിയും മരിച്ചു. നേരത്തെ കുട്ടിയുടെ പിതാവ് പിരപ്പൻകോട് സ്വദേശി ഷിബു മരിച്ചിരുന്നു. ഗോകുലം മെഡിക്കൽ കോളജിൽ തീവ്രപരിചരണ വിഭാഗത്തിൽ ചികിത്സയിൽ കഴിയവെയാണ് കുട്ടിയുടെ അന്ത്യം.
തലയ്ക്ക് ഗുരുതര പരിക്കേറ്റിരുന്നതിനാൽ അടിയന്തിര ശസ്ത്രക്രിയ നടത്തിയെങ്കിലും ജീവൻ രക്ഷിയ്ക്കാനായില്ല. എട്ടാം തീയതിയാണ് വെഞ്ഞാറമൂട്ടിൽ വച്ച് അപകടമുണ്ടായത്. അമിതവേഗത്തിലെത്തിയ ആംബുലൻസ് ഇടിച്ചാണു വെഞ്ഞാറമൂട് പാലവിള വീട്ടിൽ ഷിബു (36) മരിച്ചത്. ഡ്രൈവർ ഉറങ്ങിപ്പോയതാണ് അപകടകാരണമെന്നാണു പൊലീസ് നിഗമനം.
English Summary: Ambulance accident; four-year-old girl died
You may also like this video
