അമേരിക്കന്‍ സര്‍വകലാശാലയില്‍ നിന്നുള്ള പഠനസംഘം നിയമസഭ സന്ദര്‍ശിച്ചു. പഠനയാത്രയുടെ ഭാഗമായി ഇന്ത്യയില്‍ സന്ദര്‍ശനത്തിനെത്തിയ അമേരിക്കയിലെ ലിന്‍ഫീല്‍ഡ് സര്‍വകലാശാലയില്‍ നിന്നുള്ള പ്രൊഫസര്‍മാരും വിദ്യാര്‍ത്ഥികളുമടങ്ങുന്ന 12 അംഗ സംഘമാണ് ഇന്നലെ നിയമസഭയില്‍ എത്തിയത്.
സംഘം നിയമസഭാ സ്പീക്കര്‍ എ എന്‍ ഷംസീറുമായി സംവദിക്കുകയും ചെയ്തു. സൈക്കോളജി, ഫിലോസഫി, സോഷ്യോളജി, നേഴ്സിങ് എന്നിങ്ങനെ വിവിധ മേഖലകളില്‍ നിന്നുള്ള വിദ്യാര്‍ത്ഥികളാണ് എത്തിച്ചേര്‍ന്നത്.
കേരളത്തിന്റെ രാഷ്ട്രീയ‑സാമൂഹിക‑സാംസ്കാരിക‑ആരോഗ്യ മേഖലകളിലെ വികസനത്തെക്കുറിച്ച് ഇവര്‍ ചോദിച്ച ചോദ്യങ്ങള്‍ക്ക് സ്പീക്കര്‍ മറുപടി നല്‍കി.
English Summary: American Study Group visited the Legislative Assembly
You may also like this video
