ഷാർജയിൽ നിന്നും കൊച്ചിയിലേക്ക് വന്ന എയര്‍ ഇന്ത്യ വിമാനത്തിന്റെ ഹൈഡ്രോളിക് സംവിധാനം തകരാറിലായതിനെ തുടർന്ന് അടിയന്തര ലാന്‍ഡിങ് നടത്തി. ഐ എക്സ് 412 എയർ ഇന്ത്യ എക്സ്പ്രസ് വിമാനമാണ് ഇന്നലെ രാത്രി 8.26 ന് അടിയന്തര ലാന്‍ഡിങ് നടത്തിയത്. 193 യാത്രക്കാരും ആറ് ജീവനക്കാരുമാണ് വിമാനത്തിൽ ഉണ്ടായിരുന്നത്. വിമാനം വിമാനത്താവളത്തിൽ ഇറങ്ങാൻ മിനിറ്റുകൾ മാത്രം ബാക്കിയുള്ളപ്പോഴാണ് സാങ്കേതിക തകരാർ പൈലറ്റിന്റെ ശ്രദ്ധയിൽപ്പെട്ടത്. ഇതോടെ അടിയന്തര ലാന്‍ഡിങിന് അനുമതി തേടുകയായിരുന്നു. രാത്രി 8.04ന് വിമാനത്താവളത്തിൽ പൂർണ്ണ അടിയന്തരാവസ്ഥ പ്രഖ്യാപിച്ചു. തുടര്‍ന്ന് വിമാനം പൂർണ സുരക്ഷിതമായി നിലത്തിറങ്ങി.
English Summary:An Air India flight made an emergency landing at Nedumbassery
You may like this video also
