ശ്രീകൃഷ്ണപുരം കുലിക്കിലിയാട് അയ്യപ്പൻകാവിലെ ക്ഷേത്രക്കുളത്തില് വീണ് വയോധികന് മരിച്ചു. ക്ഷേത്രത്തിനടുത്തു തന്നെ താമസിക്കുന്ന ശിവദാസൻ(60) ആണ് മരിച്ചത്. രാവിലെ 7 മണിയോടെ കുളത്തില് കുളിക്കാനായി പോയ ശിവദാസന് ഏറെ നേരമായും തിരിച്ചു വരാത്തതിനെത്തുടര്ന്ന് അന്വേഷിച്ചതോടെയാണ് കുളത്തില് വീണത് അറിയുന്നത്. കുളിക്കടവില് നിന്ന് തോര്ത്തും സോപ്പും കണ്ടെടുത്തതോടെ ഫയർ ഫോഴ്സിനെ വിവരമറിയിക്കുകയായിരുന്നു. പിന്നീട് നടത്തിയ തെരച്ചിലിൽ ആണ് കുളത്തിനടിയിൽ നിന്ന് മൃതദേഹം കണ്ടെടുത്തത്. മൃതദേഹം മണ്ണാർക്കാട് താലൂക്ക് ആശുപത്രിയിലേക്ക് പോസ്റ്റുമോർട്ടത്തിനായി കൊണ്ടു പോകുമെന്ന് പൊലീസ് അറിയിച്ചു.
ക്ഷേത്രക്കുളത്തില് വീണ് വയോധികന് മരിച്ചു
