റേഷൻ കടകളിലെത്താൻ കഴിയാത്തവർക്ക് പ്രദേശത്തെ ഓട്ടോറിക്ഷാ തൊഴിലാളികളുടെ സഹായത്തോടെ റേഷൻ വീടുകളിൽ നേരിട്ട് എത്തിക്കുന്ന ‘ഒപ്പം’ എന്ന പദ്ധതിയുടെ സംസ്ഥാനതല ഉദ്ഘാടനം ഭക്ഷ്യ, പൊതുവിതരണ, മന്ത്രി ജി ആർ അനിൽ നിർവഹിക്കും.
അതിദാരിദ്ര്യം നിർമ്മാർജനം ചെയ്യുക എന്ന ലക്ഷ്യമാണ് പദ്ധതിക്കുള്ളത്. ഇത്തരം കുടുംബങ്ങളിലേക്ക് അവർക്ക് അർഹമായ റേഷൻ എത്തുന്നു എന്ന കാര്യം പദ്ധതിയിലൂടെ ഉറപ്പുവരുത്തും.
തൃശൂർ, പൂച്ചട്ടി, മാധവമന്ദിരം ഓഡിറ്റോറിയത്തിൽ തിങ്കളാഴ്ച 2.30 ന് നടക്കുന്ന ചടങ്ങിൽ റവന്യൂമന്ത്രി കെ രാജൻ അധ്യക്ഷത വഹിക്കും. ജില്ലാ കളക്ടർ ഹരിത വി കുമാർ സ്വാഗതം പറയും. തൃശൂര് ജില്ലാപഞ്ചായത്ത് പ്രസിഡന്റ് പി കെ ഡേവിഡ് മുഖ്യാതിഥിയാകും. പൊതുവിതരണ ഉപഭോക്തൃകാര്യ കമ്മിഷണർ ഡോ. സജിത്ത് ബാബു മുഖ്യസന്ദേശവും റേഷനിങ് കൺട്രോളർ മനോജ് കുമാർ കെ പദ്ധതി അവതരണവും നിർവഹിക്കും.
English Summary;‘and’ auto workers to the Public Supply Department for poverty alleviation
You may also like this video
