ഇൻഡിഗോയുടെ മറ്റൊരു ബസിന് കൂടി പിഴയിട്ട് മോട്ടോർ വാഹനവകുപ്പ്

ഇൻഡിഗോ വിമാനകമ്പനിയുടെ മറ്റൊരു ബസിനുകൂടി പിഴ ചുമത്തി മോട്ടോർ വാഹനവകുപ്പ്. കരിപ്പൂർ വിമാനത്താവളത്തിൽ സർവീസ് നടത്തുന്ന ബസ്സിനാണ് പിഴ ചുമത്തിയത്.

ഇതോടെ രണ്ടുബസുകള്‍ക്കും കൂടി 86,940 രൂപ പിഴയടയ്ക്കണമെന്ന് മലപ്പുറം ആർടിഒ സിവിഎം ഷെരീഫ് പറഞ്ഞു. ഇൻഡിഗോ ബസുകൾക്ക് പിഴ ചുമത്തുന്നതിൽ രാഷ്ട്രീയമില്ലെന്നും അദ്ദേഹം കൂട്ടിച്ചേർത്തു.

റൺവെയിൽ ഓടുന്ന ബസുകൾ അവസരം കിട്ടിയപ്പോൾ പിടിച്ചതാണെന്നും ഇത് സംബന്ധിച്ച് ഇൻഡിഗോ കമ്പനിക്ക് നോട്ടീസ് അയച്ചതായും മലപ്പുറം ആർടിഒ അറിയിച്ചു.

ഇന്നലെ ഇൻഡിഗോയുടെ ഒരു ബസ് മോട്ടോർ വാഹനവകുപ്പ് പിടിച്ചെടുത്തിരുന്നു. ഫറോക്ക് ചുങ്കത്തെ വർക് ഷോപ്പിൽ എത്തിച്ചപ്പോഴായിരുന്നു മോട്ടോർ വാഹനവകുപ്പിന്റെ നടപടി.

Eng­lish summary;Another bus of Indi­go has been fined by the motor vehi­cle department

You may also like this video;