തമിഴ്നാട്ടില് വീണ്ടും കസ്റ്റഡിമരണം. തിരുവള്ളൂര്‍ സ്വദേശി എസ് രാജശേഖര്‍ ആണ് പൊലീസ് കസ്റ്റഡിയില്‍ മരണപ്പെട്ടത്. സംഭവത്തില്‍ അഞ്ച് പൊലീസുകാരെ സസ്പെന്‍ഡ് ചെയ്തിട്ടുണ്ട്.
രണ്ട് മാസത്തിനിടെ രണ്ടാം തവണയാണ് കസ്റ്റഡിമരണം റിപ്പോര്‍ട്ട് ചെയ്യുന്നത്. മദ്രാസ് ഹൈക്കോടതി കഴിഞ്ഞദിവസം ഇത്തരം സംഭവങ്ങളുടെ പേരില്‍ പൊലീസിനെ നിശിതമായി വിമര്‍ശിക്കുകയും ചെയ്തിരുന്നു.
ദിവസങ്ങള്‍ക്ക് മുന്‍പ് കൊടുങ്ങൈയ്യൂര്‍ പൊലീസ് സ്റ്റേഷന്‍ പരിധിയില്‍ നടന്ന കുറ്റകൃത്യത്തിന്റെ ഭാഗമായി ചോദ്യം ചെയ്യാനാണ് രാജശേഖറിനെ വിളിപ്പിച്ചത്. തുടര്‍ന്ന് മരിച്ച വിവരമാണ് പുറംലോകം അറിഞ്ഞത്. പൊലീസിന്റെ ഭാഗത്ത് നിന്നുള്ള വീഴ്ചയല്ല മരണകാരണമെന്ന് ഉദ്യോഗസ്ഥര്‍ പറയുന്നു.
വീട്ടില്‍ അതിക്രമിച്ചു കയറല്‍, മോഷണം, പിടിച്ചുപറി ഉള്‍പ്പെടെ നിരവധി കേസുകളില്‍ പ്രതിയായ രാജശേഖര്‍ കൊടുങ്ങൈയ്യൂര്‍ കേസില്‍ കുറ്റക്കാരനാണെമന്ന് സംശയിക്കുന്നതിനാലാണ് കസ്റ്റഡിയിലെടുത്തതെന്ന് പൊലീസ് പറഞ്ഞു. കസ്റ്റഡിയിലെടുത്ത ശേഷം പ്രതി കുറ്റം ചെയ്തെന്ന് സമ്മതിച്ചതായും തളര്‍ച്ച തോന്നുന്നതായി പറഞ്ഞതായും പൊലീസ് അറിയിച്ചു.
English summary;Another custody death in Tamil Nadu
You may also like this video;
