ചന്ദ്രബിംബത്തെ നോക്കി ക്ഷുദ്രജീവികള്‍ ചിലയ്ക്കുന്നത് പോലെയാണ് പിവി അന്‍വറെ പ്രസ്താവനകളെ കാണുന്നതെന്ന് മന്ത്രി വിഎന്‍ വാസവന്‍.അന്‍വറിനെ സര്‍ക്കാരിനെ ദുര്‍ബലപ്പെടുത്താന്‍ കഴിയില്ല.ഇതിലും വലിയ ആളുകള്‍ മുന്‍പ് വലിയ രീതിയിലുള്‌ല ആക്രമണങ്ങള്‍ നടത്തിയിട്ടുണ്ടെന്നും അതിലൊന്നും തകരുന്ന ആളുകളല്ല ഭരണത്തിലുള്ളതെന്നും വാസവന്‍ പറഞ്ഞു.
അന്‍വര്‍ നടത്തുന്നത് പാഴ് വേലയാണ്.രാഷ്ട്രീയ ശത്രുക്കളുടെ കയ്യിലെ ചട്ടുകമായി മാറിയിരിക്കുകയാണ് പിവി അന്‍വര്‍.മുഹമ്മദ്ദ് റിയാസ് ഇന്നലത്തെ മഴയില്‍ കിളിര്‍ത്ത തകരയല്ല.എസ്എഫ്‌ഐയുടെയും ഡിവൈഎഫ്‌ഐയുടെയും അഖിലേന്ത്യ പ്രസിഡന്റ് ആയിരുന്നു അദ്ദേഹം.ഇപ്പോള്‍ സിപിഎം സംസ്ഥാന സെക്രട്ടേറിയറ്റ് അംഗമാണ്.എഡിജിപിയെയും പത്രപ്രവര്‍ത്തകരെയും അറസ്റ്റ് ചെയ്യണമെന്ന ആവശ്യം മുഖ്യമന്ത്രിയും പൊളിറ്റിക്കല്‍ സെക്രട്ടറിയും ചെവിക്കൊണ്ടില്ല.അതിനാലാണ് അവര്‍ കൊള്ളരുതാത്തവരായതെന്നും മന്ത്രി പറഞ്ഞു.