ഷിരൂര്‍ മണ്ണിടിച്ചിലില്‍ കാണാതായ അര്‍ജുനായുള്ള തെരച്ചില്‍ അവസാനിപ്പിച്ച് മടങ്ങുന്നതായി ഈശ്വര്‍ മാല്‍പെ.മല്‍പയെയും സംഘത്തെയും വെള്ളത്തില്‍ മുങ്ങി തെരച്ചില്‍ നടത്താന്‍ അധികൃതര്‍ അനുവദിച്ചിരുന്നില്ല.ഇതാണ് ഇവര്‍ മടങ്ങിപ്പോകാനുള്ള കാരണം.തെരച്ചില്‍ നിര്‍ത്തേണ്ടി വന്നതില്‍ അര്‍ജുന്റെ കുടുംബത്തോട് ക്ഷമ ചോദിച്ച മാല്‍പെ ഇനി ഷിരൂരിലേക്ക് ഇല്ലെന്നും ഉഡുപ്പിയിലേക്ക് മടങ്ങുകയാണെന്നും അറിയിച്ചു.
മണ്ണ് നീക്കി പരിശോധന നടത്തുന്നതിനായി സ്ഥലത്ത് ഡ്രജര്‍ എത്തിച്ചിരുന്നു.ഡ്രജര്‍ ഉപയോഗിച്ച് ുരിശോധന നടത്തുമ്പോള്‍ വെള്ളത്തില്‍ മുങ്ങി പരിശോധന നടത്തേണ്ടെന്നായിരുന്നു ജില്ലാ ഭരണകൂടവും കേരള പൊലീസും അറിയിച്ചത്.