വിവരാവകാശ നിയമപ്രകാരം (ആർടിഐ) സമർപ്പിച്ച 26,518 അപ്പീലുകളും പരാതികളും കേന്ദ്ര വിവരാവകാശ കമ്മിഷൻ(സിഐസി) ഓഫീസിൽ കെട്ടിക്കിടക്കുന്നു. കേന്ദ്ര സഹമന്ത്രി ജിതേന്ദ്ര സിങ് ആണ് ഇക്കാര്യം രാജ്യസഭയെ അറിയിച്ചത്. വിവരാവകാശ അപേക്ഷകളുടെ സംസ്ഥാനം തിരിച്ചുള്ള വിവരങ്ങള്‍ അതത് സംസ്ഥാന സർക്കാരുകളാണ് സൂക്ഷിക്കുന്നതെന്നും സിങ് പറഞ്ഞു.
‘ഓൺലൈൻ വിവരാവകാശ നിയമം നടപ്പിലാക്കുന്നതിന്റെ സാധ്യതകൾ പരിശോധിക്കാൻ എല്ലാ സംസ്ഥാനങ്ങളോടും അഭ്യർത്ഥിച്ചിരുന്നു. സംസ്ഥാന തലത്തിൽ വിവരാവകാശ അപേക്ഷകൾക്കായി വെബ് പോർട്ടൽ നിർമ്മിക്കുന്ന സംസ്ഥാനങ്ങൾക്ക് സോഫ്റ്റ്‌വേർ, സോഴ്സ് കോഡ് തുടങ്ങിയ സാങ്കേതിക പിന്തുണ നൽകാൻ നാഷണൽ ഇൻഫോർമാറ്റിക്സ് സെന്ററിനോട് (എൻഐസി) അഭ്യർത്ഥിച്ചിട്ടുണ്ട്’, മന്ത്രി പറഞ്ഞു.
English Summary:Applications filed under the RTI Act in the country are pending
You may also like this video
