പൊതു വിദ്യാലയങ്ങളിലെ വിദ്യാര്‍ത്ഥികള്‍ക്കായി നടത്തുന്ന എകെഎസ്‌ടിയു-ജനയുഗം സഹപാഠി അറിവുത്സവം ഏഴാം സീസണ്‍ സ്കൂള്‍ തല മത്സരങ്ങളില്‍ വന്‍ വിദ്യാര്‍ത്ഥി പങ്കാളിത്തം. 14 ജില്ലകളിലെ വിവിധ സ്കൂള്‍ തലങ്ങളില്‍ നടന്ന മത്സരങ്ങളില്‍ ആയിരക്കണക്കിന് വിദ്യാര്‍ത്ഥികള്‍ പങ്കെടുത്തു. ഒന്ന് മുതല്‍ 12 വരെ ക്ലാസുകളിലുള്ളവര്‍ക്കായി നാലു വിഭാഗങ്ങളിലായാണ് മത്സരം നടന്നത്.
സംസ്ഥാനതല ഉദ്ഘാടനം കണ്ണൂര്‍ പട്ടാന്നൂർ കെപിസി ഹയർസെക്കന്‍ഡറി സ്കൂളിൽ എകെഎസ്‌ടിയു ജനറൽ സെക്രട്ടറി ഒ കെ ജയകൃഷ്ണൻ നിര്‍വഹിച്ചു. പ്രിൻസിപ്പാൾ വി ബിന്ദു അധ്യക്ഷയായി.
സ്കൂള്‍തലത്തില്‍ വിജയിച്ചവരെ പങ്കെടുപ്പിച്ചുള്ള സബ് ജില്ലാതല മത്സരം സെപ്റ്റംബര്‍ 28ന് നടക്കും. ജില്ലാതലത്തില്‍ ഒക്ടോബര്‍ 20ന് ജില്ലാതല മത്സരങ്ങളും സംസ്ഥാന തല മത്സരം ഒക്ടോബര്‍ 27നുമാണ് നിശ്ചയിച്ചിട്ടുള്ളത്.
