ജമ്മു കശ്മീരില് സൈനിക വാഹനം കൊക്കയിലേക്ക് മറിഞ്ഞ് അഞ്ച് സൈനികര് കൊല്ലപ്പെട്ടു. നിരവധി പേര്ക്ക് പരിക്കേറ്റു. പുഞ്ച് ജില്ലയിലെ നിയന്ത്രണരേഖയ്ക്ക് സമീപം മാങ്കോട്ട് മേഖലയില് ബാല്നോയിയിലാണ് സംഭവം
സൈനികര് സഞ്ചരിച്ച ട്രക്ക് 300 അടി താഴ്ചയിലേക്ക് വീഴുകയായിരുന്നു. രക്ഷാപ്രവര്ത്തനങ്ങള് പുരോഗമിക്കുകയാണ്. വാഹനത്തില് 18 സൈനികര് ഉണ്ടായിരുന്നു. പരിക്കേറ്റവര്ക്ക് അടിയന്തരസഹായം നല്കിയതായി സൈനിക വൃത്തങ്ങള് അറിയിച്ചു. വിദഗ്ധ ചികിത്സയ്ക്കായി സൈനികരെ ആശുപത്രികളിലേക്ക് മാറ്റാനുള്ള ശ്രമങ്ങള് പുരോഗമിക്കുകയാണ്.