തെലങ്കാനയില്‍ വാട്ടര്‍ ടാങ്കിനുള്ളില്‍ നിന്നും ഇരുപതോളം കുരങ്ങുകളുടെ മൃതദേഹങ്ങള്‍ കണ്ടെത്തി. നാല്‍ഗൊണ്ട ജില്ലയിലെ നന്ദികൊണ്ടയിലാണ് സംഭവം. ദുര്‍ഗന്ധം വമിച്ചതിനെ തുടര്‍ന്ന് പ്രദേശവാസികള്‍ നടത്തിയ പരിശോധനയിലാണ് വാട്ടര്‍ ടാങ്കിനുള്ളില്‍ കുരങ്ങുകളെ ചത്ത നിലയില്‍ കണ്ടെത്തിയത്. വിവരമറിഞ്ഞ് മുനിസിപ്പാലിറ്റി അധികൃതര്‍ സ്ഥലത്തെത്തുകയും ജഡങ്ങള്‍ നീക്കം ചെയ്യുകയും ചെയ്തു. കാലപഴക്കം ചെന്ന ടാങ്കിന്റെ അടപ്പ് ചെറുതായി തുറന്ന നിലയിലായിരുന്നു. വെള്ളം കുടിക്കാന്‍ ശ്രമിക്കുന്നതിനിടെ ഇതിനിടയില്‍ കുടുങ്ങിയാണ് ചത്തതെന്നാണ് പ്രാഥമിക നിഗമനം. പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.
English Summary: Around 20 monkeys were found dead inside the water tank
You may also like this video
