കന്യാസ്ത്രീകളുടെ അറസ്റ്റ് പ്രതിഷേധർഹം; ഭരണഘടനയെ വെല്ലുവിളിക്കുന്ന നടപടിയെന്നും കർദിനാൾ ക്ലിമിസ്

ഛത്തീസ്​ഗഡിൽ കന്യാസ്ത്രീകളെ അറസ്റ്റ് ചെയ്ത സംഭവം പ്രതിഷേധാർഹമെന്നും ഭരണഘടനയെ വെല്ലുവിളിക്കുന്ന നടപടിയെന്നും കെസിബിസി അധ്യക്ഷൻ
കർദിനാൾ ക്ലിമിസ് പറഞ്ഞു. സംഭവത്തിൽ സഭയ്ക്ക് വേദനയും പ്രതിഷേധവുമുണ്ട്. ഇത് സ്വാതന്ത്ര്യ ജീവിതത്തിലുള്ള കടന്നുകയറ്റമാണ്. ചോദ്യം ചെയ്യപ്പെടുന്നത് മത സ്വാതന്ത്ര്യമാണ്. നീതി നടപ്പാക്കണം. ന്യായം തിരികെ കൊണ്ടുവരണം. മതന്യൂനപക്ഷങ്ങൾക്ക് എല്ലാ സ്വാതന്ത്ര്യവും കിട്ടണമെന്ന് പ്രധാനമന്ത്രിയോട് ആവശ്യപ്പെടുകയാണ്. പറയുന്നതിൽ ഉറച്ചുനിൽക്കണം. മറ്റ് സംസ്ഥാനങ്ങളിലും സമാനമായ സ്ഥിതി കാണുന്നുണ്ടെന്നും അദ്ദേഹം പറഞ്ഞു.