മതേതരമൂല്യങ്ങൾക്കുവേണ്ടി എന്നും ജാഗ്രതയോടെ നിലപാടെടുക്കുകയും വരുംവരായ്കകളെ കുറിച്ച് ഭയപ്പെടാതെ തന്റെ കാഴ്ചപാടുകൾ മറയില്ലാതെ തുറന്നുപറയുകയും ചെയ്ത ധീരനായ നേതാവാണ് മുൻ മന്ത്രിയും മുതിർന്ന കോൺഗ്രസ് നേതാവുമായ ആര്യാടൻ മുഹമ്മദെന്ന് എൽജെഡി സംസ്ഥാനപ്രസിഡന്റ് എം വി ശ്രേയാംസ് കുമാർ അഭിപ്രായപ്പെട്ടു. പറഞ്ഞ അഭിപ്രായത്തിലും നിലപാടിലും എന്നും അടിയുറച്ചുനിൽക്കാനുള്ള സത്യസന്ധത അദ്ദേഹം കാണിച്ചിട്ടുണ്ട്.
പത്താംക്ലാസ് വരെ മാത്രമേ വിദ്യാഭ്യാസം നേടാൻ കഴിഞ്ഞുള്ളുവെങ്കിലും സ്വന്തം പ്രയത്നം കൊണ്ടും വായനയിലൂടെയും അദ്ദേഹത്തിന് മികച്ച ഭരണാധികാരി, തൊഴിലാളിനേതാവ്, നിയമസഭാ സാമാജികൻ, വാഗ്മി തുടങ്ങിയ നിലകളിൽ ആദരണീയമായ സ്ഥാനം നേടിയെടുക്കാൻ സാധിച്ചിട്ടുണ്ട്. നിയമസഭാസാമാജികൻ, ഭരണാധികാരി എന്നീ നിലകളിൽ അദ്ദേഹത്തിന്റെ സംഭാവനകൾ എന്നും സ്മരിക്കപ്പെടുമെന്നും ശ്രേയാംസ് കുമാർ പറഞ്ഞു.
English Summary: Aryadan Muhammad expressed his stand fearlessly: MV Shreyams Kumar
You may like this video also
