വയനാട് ലോക്‌സഭ മണ്ഡലം എൽഡിഎഫ് സ്ഥാനാർത്ഥി സത്യൻ മൊകേരിയുടെ വിജയം വിളംബരം ചെയ്ത നിയമസഭാ മണ്ഡലം കൺവെൻഷനുകൾ. വയനാട് മണ്ഡലത്തിലെ 5 മണ്ഡലം കൺവെൻഷനുകൾ പൂർത്തിയായി. കൽപ്പറ്റ , ബത്തേരി , തിരുവമ്പാടി ‚മാനന്തവാടി, നിലമ്പൂർ മണ്ഡലങ്ങളിലാണ് കൺവെൻഷനുകളാണ് പൂർത്തിയായത്. വൻ ജനസഞ്ചയമാണ് കൺവെൻഷനുകളിലേക്ക് ഒഴുകിയെത്തിയത്.
കൂറ്റൻ റാലികളോടെ നടന്ന കൺവെൻഷനുകളിൽ നൂറുകണക്കിന് സ്‌ത്രീകളും കുട്ടികളും പങ്കെടുത്തു. 1001 അംഗ തിരഞ്ഞെടുപ്പ് കമ്മറ്റികൾക്ക് കൺവെൻഷൻ രൂപം നൽകി . ഏറനാട്, വണ്ടൂർ മണ്ഡലം കൺവെൻഷനുകൾ ഇന്ന് നടക്കും . വിവിധ കേന്ദ്രങ്ങളിൽ വോട്ട് അഭ്യർത്ഥിച്ച സ്ഥാനാർത്ഥി സത്യൻ മൊകേരിയുടെ പൊതുപര്യടനം നാളെ മാനന്തവാടി മണ്ഡലത്തിവ്‍ നിന്നാരംഭിക്കും .