മട്ടാഞ്ചേരിയിൽ 5 വാഹനങ്ങൾ തല്ലിത്തകർത്ത് യുവാവ്. ഇന്ന് പുലർച്ചെ നാല് കാറുകളുടെയും ഒരു ഓട്ടോ റിക്ഷയുടെയും ചില്ലുകൾ സിമൻറ് കട്ടയും ഇഷ്ടികയും ഉപയോഗിച്ച് തല്ലിത്തകർക്കുകയായിരുന്നു. മട്ടാഞ്ചേരിയിൽ കരുവേലിപ്പടി ആർകെ പിള്ള റോഡിൽ പാർക്ക് ചെയ്തിരുന്ന വാഹനങ്ങൾക്ക് നേരെയായിരുന്നു ആദ്യം ആക്രമണം നടത്തിയത്. ഇവിടെയുണ്ടായിരുന്ന മൂന്ന് കാറുകളും ഒരു ഓട്ടോറിക്ഷയുമാണ് തകർത്തത്. പിന്നീട് അതിന് സമീപത്തെ സപ്ലൈകോയുടെ മുന്നിൽ പാർക്ക് ചെയ്തിരുന്ന മറ്റൊരു കാറും തല്ലിത്തകർക്കുകയായിരുന്നു.
പ്രതി ലഹരിക്ക് അടിമയോ മോഷണ ശ്രമമോ ആകാമെന്നാണ് പൊലീസിൻറെ നിഗമനം.