കട്ടപ്പനയിലും പരിസരങ്ങളിലുമുളള ആരാധനാലയങ്ങള്‍ക്കു നേരെ സാമൂഹ്യവിരുദ്ധരുടെ ആക്രമണം.
തിങ്കളാഴ്ച രാത്രിയിലാണ് സംഭവം. കമ്പംമെട്ട് ചേറ്റുകുഴി പുളിയന്മല, കട്ടപ്പന ഇരുപതേക്കര്‍ എന്നീ കുരിശുപളളികള്‍ക്കു നേരെയാണ് ആക്രമണമുണ്ടായത്. കട്ടപ്പന സെന്റ് മേരീസ് ഓര്‍ത്തഡോക്ക്സ് പളളിയുടെ ഇടുക്കിക്കവലയിലുളള കുരിശുപളളിയുടെ ചില്ലുകള്‍ ആക്രമണത്തില്‍ തകര്‍ന്നു. സംഭവത്തില്‍ കട്ടപ്പന പൊലീസ് കേസെടുത്ത് അന്വേഷണം തുടരുകയാണ്.
എം എം മണി എം എല്‍ എ, ഡീന്‍ കുര്യാക്കോസ് എംപി, സിപിഐ മണ്ഡലം കമ്മറ്റി സെക്രട്ടറി വി ആര്‍ ശശി, സിപിഐഎം കട്ടപ്പന ഏരിയാ സെക്രട്ടറി വി ആര്‍ സജി, സിപിഐഎം പുളിയന്മല ലോക്കല്‍ സെക്രട്ടറി എംസി ബിജു, കട്ടപ്പന നഗരസഭ കൗണ്‍സിലര്‍മാരായ സിജു ചക്കുംമൂട്ടില്‍, പ്രശാന്ത് രാജു, ഷമേജ് ജോര്‍ജ് തുടങ്ങിയവർ ആക്രമണം നടന്ന സ്ഥലം സന്ദര്‍ശിച്ചു.
English Summary: attack on churches in kattappana investigation initiated
You may also like this video
