തിരുവനന്തപുരത്ത് വയോധികയ്ക്ക് നേരെ ആക്രമണം

തിരുവനന്തപുരത്ത് വയോധികയ്ക്ക് നേരെ ആക്രമണം. ആറ്റിങ്ങൽ – വെഞ്ഞാറമ്മൂട് റോഡിൽ വലിയ കട്ടയ്ക്കാലിലാണ് സംഭവം. ക്രൂരമായി ആക്രമിച്ച ശേഷം വയോധിക പെരുവഴിയിൽ ഉപേക്ഷിക്കപ്പെട്ട നിലയിലായിരുന്നു. പത്തേക്കർ സ്വദേശിനിക്കാണ് ആക്രമണമേറ്റത്. പരുക്കേറ്റ ഇവരെ വഴിയരികിൽ കിടക്കുന്നത് നാട്ടുകാർ കണ്ടതോടെ ആശുപത്രിയിൽ എത്തിക്കുകയായിരുന്നു. പിന്നീട് തിരുവനന്തപുരം മെഡിക്കൽ കോളേജിലേക്ക് മാറ്റുകയായിരുന്നു. വയോധികയെ കണ്ട സ്ഥലത്തിന് അടുത്തുള്ള ഒഴിഞ്ഞ വീട്ടിൽ രക്തക്കറ കണ്ടെത്തിയിട്ടുണ്ട്.സംഭവത്തിൽ സിസിടിവി കേന്ദ്രീകരിച്ച് പൊലീസ് അന്വേഷണം ആരംഭിച്ചു.