പോപ്പുലര്‍ ഫ്രണ്ട് പ്രഖ്യാപിച്ച ഹര്‍ത്താലിനിടെ പരക്കെ ആക്രമണം. സംസ്ഥാനമൊട്ടാകെ നിരവധി കെഎസ്ആര്ടിസി ബസുകള്‍ സമര അനുകൂലികള്‍ അടിച്ചുതകര്‍ത്തു. ആക്രമണം ശക്തമായതോടെ ഫേസ്‍ബുക്കിലൂടെ അഭ്യര്‍ത്ഥനയുമായി എത്തിയിരിക്കുകയാണ് കെഎസ്ആര്ടിസി. സമരങ്ങളുടെ കരുത്തുകാട്ടാൻ ആനവണ്ടിയെ ബലിയാടാക്കുന്ന പ്രവണത നിര്‍ത്തണമെന്നാണ് കെഎസ്ആര്ടിസി അറിയിച്ചിരിക്കുന്നത്. സാധാരണക്കാരന്റെ സഞ്ചാര മാർഗ്ഗത്തെയാണ് നിങ്ങള്‍ തകര്‍ക്കുന്നതെന്നും കെഎസ്ആര്ടിസി ഫേസ്ബുക്കില്‍ കുറിച്ചു.
ഹര്‍ത്താല്‍ : കെഎസ്ആര്ടിസി സര്‍വീസ് നിര്‍ത്തിവയ്ക്കില്ല, ഗതാഗതമന്ത്രി
കെഎസ്ആർടിസിയുടെ 30ലേറെ ബസുകൾക്ക് നേരെ കല്ലേറുണ്ടായെന്നാണ് പ്രാഥമിക കണക്ക് . പലയിടത്തും ബസ് ഡ്രൈവർമാർക്കും യാത്രകാർക്കും പരിക്കേറ്റിട്ടുണ്ട് . പല ഡിപ്പോകളിൽ നിന്നും പുറപ്പെടുന്ന ബസുകളുടെ എണ്ണം കുറച്ചിട്ടുണ്ട് . പൊലീസ് സഹായത്തോടെയാണ് പലയിടത്തും കെഎസ്ആർടിസി സർവീസ് .
English Summary: Attack on KSRTC buses
You may also like this video
