ഇന്ത്യയിലേക്ക് അനധികൃതമായി കടക്കാൻ ശ്രമിച്ച രണ്ട് ചൈനീസ് സ്വദേശികളെ സുരക്ഷ സേന അറസ്റ്റ് ചെയ്തു. ഭോപ്പാലിലെ കിഴക്കന്‍ ചമ്പാരന്‍ ജില്ലയിലെ ഇന്തോ-നേപ്പാൾ അതിർത്തിയിൽ നിന്ന് ഇന്ത്യയിലേക്ക് കടക്കാൻ ശ്രമിക്കവെയാണ് സാഹോ ജിങ്, ഫു കോങ് എന്നിവര്‍ പിടിയിലായത്. ഇരുവരും കിഴക്കന്‍ ചൈനാ പ്രവിശ്യയായ ഷിയാങ്സി പ്രദേശവാസികളാണെന്ന് കിഴക്കന്‍ ചമ്പാരന്‍ എസ്‌പി കത്‌നേഷ് കുമാര്‍ മിശ്ര പറഞ്ഞു.
ഇവരുടെ ലക്ഷ്യം വ്യക്തമല്ല. ഈ മാസം രണ്ടിനും സമാനമായ രീതിയില്‍ അതിര്‍ത്തി കടക്കാന്‍ ശ്രമിക്കുന്നതിനിടെ ഇരുവരെയും പിടികൂടിയിരുന്നു. വിസയുണ്ടെങ്കില്‍ മാത്രമേ ഇന്ത്യയിലേക്ക് പ്രവേശിക്കാന്‍ കഴിയൂവെന്ന് മുന്നറിയിപ്പ് നല്‍കി വിടുകയാണ് ചെയ്തതെന്ന് ഇമിഗ്രേഷന്‍ വിഭാഗം അറിയിച്ചു.
english summary; Attempt to enter India; Two Chinese nationals arrested
you may also like this video;
