വിമാനയാത്രക്കിടെ എമര്‍ജന്‍സി എക്സിറ്റ് തുറന്ന് വെളിയില്‍ ഇറങ്ങാന്‍ ശ്രമിച്ച യാത്രക്കാരനെതിരെ കേസെടുത്തു. നാഗ്പൂരിൽ നിന്ന് മുംബൈയിലേക്കുള്ള വിമാനത്തിൽ യാത്ര ചെയ്യവെയാണ് യാത്രക്കാരൻ വിമാനത്തിന്റെ എമര്‍ജന്‍സി എക്സിറ്റ് തുറക്കാന്‍ ശ്രമിച്ചത്. വിമാനം ലാന്‍ഡ് ചെയ്യാന്‍ തയ്യാറെടുക്കുകയായിരുന്നു.
ഇൻഡിഗോ വിമാനത്തിലാണ് സംഭവം. സംഭവത്തില്‍ യാത്രക്കാരനെതിരെ എഫ്ഐആര്‍ ഫയല്‍ ചെയ്തിട്ടുണ്ടെന്ന് ഇൻഡിഗോ അറിയിച്ചു. കഴിഞ്ഞ വർഷം ഡിസംബർ 10 ന് ഇൻഡിഗോ, ചെന്നൈ-തിരുച്ചിറപ്പള്ളി വിമാനത്തിൽ ഒരു യാത്രക്കാരൻ എമർജൻസി വാതിൽ തുറന്നതായി നാഷണൽ ഏവിയേഷൻ റെഗുലേറ്റർ ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) വെളിപ്പെടുത്തി ദിവസങ്ങൾക്ക് ശേഷമാണ് പുതിയ സംഭവം. എന്നാൽ, വിമാനം പുറപ്പെടാത്തതിനാൽ അനിഷ്ട സംഭവങ്ങളൊന്നും ഉണ്ടായില്ല.
English Summary: Attempt to open emergency door during flight: Case filed against passenger
You may also like this video
